АҚШ Молия вазирлигининг Хорижий активларни назорат қилиш бошқармаси (OFAC) Эроннинг ички ишлар вазири Эскандар Момений бошчилигида қатор эронлик амалдорларга нисбатан янги санкциялар жорий қилди.
Рўйхатга, шунингдек, эронлик инвестор Бобак Занжони ҳам киритилди. АҚШ томонининг маълум қилишича, у қамоқдан озод этилганидан сўнг Ислом инқилоби қўриқчилари корпуси (ИИҚК) ва давлат тузилмалари фаолиятини қўллаб-қувватловчи лойиҳаларни молиялаштирган.
Бундан ташқари, илк бор Занжони билан боғлиқ бўлган икки криптовалюта биржаси ҳам санкция рўйхатига қўшилди. АҚШ даъволарига кўра, ушбу платформалар орқали ИИҚК эҳтиёжлари учун катта маблағлар айлантирилган.
Аввалроқ Европа Иттифоқи ҳам Эроннинг 15 нафар амалдори ва олти ташкилотига, жумладан ИИВ раҳбари, ИИҚК қўмондонлари ҳамда суд тизими ва кибертузилмалар вакилларига қарши санкциялар жорий қилган эди.
Одилхон қори Юнусхон ўғли суд залида ҳибсга олинди
Аҳолини рўйхатга олиш саволномасини хато тўлдирганларга огоҳлантириш юборилмоқда
Николай Валуев: "Марказий Осиё давлатларига ҳеч қачон таҳдид қилмаганман"
