АҚШ Савдо вазирлиги мамлакатнинг аввалги президенти Жо Байден даврида сунъий интеллект чиплари экспорти ҳажмига қўйилган чекловларни бекор қилади.
Бу ҳақда Интерфакс хабар бермоқда.
"Сунъий интеллектни тарқатиш қоидаси" (АИ Diffusion Rule), жумладан, штатлардаги инновацияларга салбий таъсир кўрсатиши ва ўнлаб мамлакатлар билан дипломатик муносабатларга путур етказиши мумкинлиги сабабли бекор қилинмоқда. [АҚШ президенти Дональд] Трамп маъмурияти бутун дунё бўйлаб ишончли хорижий давлатлар билан Американинг сунъий интеллект технологияларига нисбатан дадил, инклюзив стратегияни амалга оширади, бу технологияларга душманларимизни яқинлаштирмайди," - деди АҚШ савдо вазирининг саноат ва хавфсизлик бўйича ўринбосари Жеффри Кесслер.
Савдо вазирлиги, шунингдек, Хитойнинг Huawei компаниясининг Ascend сунъий интеллект чипларидан фойдаланиш "дунёнинг исталган нуқтасида АҚШ экспорт назорати чораларини бузаётганини" таъкидлади.
