АҚШ 2023 йил 7 октябрдан бери Исроилга 17,9 миллиард доллар ҳарбий ёрдам берди.
Бу ҳақда Браун университети қошидаги Уотсон халқаро ва жамоатчилик билан алоқалар институти томонидан тайёрланган «2023 йил 7 октябрдан 2024 йил 30 сентябргача бўлган даврда Исроил ҳарбий амалиётлари ва АҚШнинг минтақадаги тегишли операциялари учун АҚШ харажатлари» номли ҳисоботда айтилади.
Ҳисоботлар муаллифларининг аниқлашича, 7 октябрдан бери Қўшма Штатлар Исроил ҳужумларини қўллаб-қувватлаш ва АҚШнинг Яқин Шарқдаги иштирокини кучайтириш учун миллиардлаб доллар сарфлаган.
Бу даврда АҚШ Исроилга «Хорижий ҳарбий молиялаштириш» (FMF) дастури доирасида 6,8 миллиард доллар, ракеталарга қарши мудофаа тизимлари, жумладан «Темир гумбаз»ни ишлаб чиқиш ва модернизация қилиш учун 5,7 миллиард доллар, оғир қуроллар ишлаб чиқаришни кўпайтириш учун 1 миллиард доллар ва ажратди Тел-Авивга узатилган Америка қуролларини модернизация қилиш учун 4,4 миллиард доллар тақдим этди.
Бу даврда Исроилга кўрсатилган 17,9 миллиард долларлик ҳарбий ёрдамнинг бир қисми ўтган йилларда тузилган келишувларга мувофиқ ажратилган.
Ҳисобот муаллифларининг таъкидлашича, бу рақам Вашингтон томонидан белгиланган муддат ичида Исроил армиясига кўрсатилган умумий ёрдамнинг фақат оммага ошкор қилинган қисмини ўз ичига олади.
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
Шимолий Корея аскарлари Курскда: биринчи қон
