Бугун, 20 август куни Шаҳрихон туманидаги мактаб биносида ёнғин содир бўлаётгани ҳақида хабарлар тарқалди. Андижон вилояти ҳокимлиги матбуот хизмати бу ҳақда маълумот берди.
Ушбу ёнғин соат 15:28 да “Шаҳрихонлик” МФЙ, “Ҳамза” кўчасида жойлашган туман ММТБга қарашли 2-умумий ўрта таълим мактабида содир бўлиб, қўшимча (кўмирхона) бинонинг 30 кв/м майдони том қисми, шу кўчада жойлашган АТБ “Ҳамкорбанк” туман филиали қўшимча биносининг 30 кв/м том қисми ҳамда нотурар бинонинг 5 кв/м том қисми ёнғиндан зарарлангани кузатилган.
ФВБ ўт ўчириш гуруҳи соат 15:32 да (4 дақиқа ичида) мазкур жойга етиб бориб, 15:36 да ёнғинни ўраб олган. Соат 16:14 да эса, ёнғин буткул ўчирилган. Ҳодиса оқибатида тан жароҳати олганлар ёки қурбон бўлганлар йўқ.
Биноларнинг умумий 500 кв/м майдони ёнғиндан сақлаб қолинди. Ёнғинни келиб чиқиш сабаблари ва зарарлар аниқланмоқда.
Россия яна бир ҳарбий можарода иштирок этиши мумкин
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
