Алмазбек Атамбаевга бир қатор ўта оғир жиноятларда гумон қилинаётгани тўғрисида билдиришнома берилди. Бу ҳақда 13 август куни Бишкекда бўлиб ўтган матбуот анжуманида Бош прокуратура терговни назорат қилиш бошқармаси бошлиғи Замир Беишекеев маълум қилди.
Унинг сўзларига кўра, Атамбаев қуйидаги жиноятларда гумон қилинмоқда:
1. Ҳуқуқ-тартибот идоралари ходимларига нисбатан зўравонлик ишлатиш.
2. Тартибсизликларни ташкиллаштириш.
3. Қотилликни уюштириш.
4. Суиқасдни уюштириш.
5. Гаровга олишни ташкил этиш.
Бош прокурор Откурбек Жамшитовнинг сўзларига кўра, Атамбаев қурол ва ўқ-дориларнинг ноқонуний савдосида ҳам айбланмоқда.