Россиянинг энг йирик алоқа операторларидан бири «Мегафон» компанияси Ўзбекистоннинг Ucell алоқа операторини сотиб олди, деб хабар беради Repost ўз манбаларига асосланиб.
Бироқ, Ucell компаниясининг матбуот хизмати раҳбари Бахтиёр Насимов Repost мухбирига ушбу маълумотларни тасдиқламаган. Битим суммаси ҳақида ҳам аниқ маълумотлар йўқ.
Хабарда қайд этилишича, Ucell компанисия қайта ташкил қилиш ва жиҳозлаш ишлари бошлаб юборилган. Тахминларга кўра, Ucell номи «Мегафон»га ўзгартирилади.
Алишер Усмоновнинг USM Holdings компанияси Россиядаги йирик алоқа операторларидан бири — «Мегафон»нинг назорат қилувчи акциядорларидан бири ҳисобланади.
