Озарбайжон президенти Илҳом Алиев Украина раҳбари Владимир Зеленскийга Украина Мустақиллик куни муносабати билан табрик мактуби йўллади. Алиев ўз мактубида икки томонлама муносабатларнинг мустаҳкамлигини ва Украина ҳудудий яхлитлигини қўллаб-қувватлашини таъкидлади.
«Озарбайжон ва Украина бой анъаналарга эга дўстона муносабатларга эга. Тарихан бир-бирини қўллаб-қувватлаб келган халқларимизнинг иродаси бугун давлатлараро муносабатларимизнинг асосини ташкил этади», — дейилади Алиев мактубида.
Озарбайжон Президенти мамлакатлар ўртасидаги ҳамкорлик даражасидан, хусусан, энергетика соҳасида қониқиш ҳосил қилди ва Украинага инсонпарварлик ёрдамини кўрсатишда давом этиш ниятини тасдиқлади.