Сирдарё вилоятининг Гулистон шаҳрида шу йил 10 ноябрь куни ИИБга тушган ҳужжатларга кўра, 2017 йил 25 июнь куни Гулистон тумани “Ишонч” МФЙда яшовчи, муқаддам судланган В.К. Гулистон шаҳрида яшовчи С.М. (исмли аёл)нинг уйида унга “Мевазор” МФЙ ҳудудида қурилаётган намунали уйлардан олиб беришини айтиб, алдов йўли билан ундан 400 млн. сўм пулини олиб, берган ваъдасини бажармай пулларни ўз эҳтиёжлари учун ишлатиб юборганлиги кўрсатилган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича кўрилган чоралар натижасида В.К. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.