Нигерияда ноқонуний хом нефтни қайта ишлаш учун фойдаланиладиган 32 завод йўқ қилинди. Бу ҳақда Нигерия армияси вакили Данжума Жон Данжума маълум қилди.
Унинг сўзларига кўра, армия мамлакатнинг нефть қазиб олувчи ҳудуди бўлган Нигер дельтасида нефть контрабандачиларига қарши операция ўтказган.
Амалиётлар давомида 32 та корхона вайрон қилинган, бундан ташқари 25 та кичик кема ва бир нечта нефть танкерлари қўлга олинган.
Мамлакатда нефтдан ноқонуний фойдаланиш Нигерия иқтисодиётига салбий таъсир кўрсатмоқда.
Нигериялик сенатор Нед Нвоко 2023 йилда мамлакатда нефть ўғирлашнинг кучайиши ва қувурларига ҳужумлар туфайли мамлакат 3 миллиард доллардан кўпроқ йўқотишини айтди.
Нигериянинг тасдиқланган нефть захиралари тахминан 37 миллиард баррелни ташкил этади, бу глобал захираларнинг 3,1 фоизини ташкил қилади.
Дунёнинг энг йирик 15 хом нефть ишлаб чиқарувчи давлатлари қаторига кирган Нигерия дунёдаги энг катта нефть захираларига эга 8-мамлакат ва нефть экспорти бўйича 6-ўринни эгаллайди.
Мактабларда кузги таътил вақти эълон қилинди
Эрон ўраб олинмоқда
Антарктида яшил рангга айлана бошлади
