24 августда Тошкентда тўрт туманга иссиқ сув етказилиши вақтинча тўхтатилади 

Жорий йилнинг 24 август куни Юнусобод туманидаги 4-Иссиқлик марказида газ таъминоти вақтинча узилади.

Тошкент шаҳар ҳокимлиги хабарига кўра, шу муносабат билан соат 9:00дан кун якунигача қатор манзилларга иссиқ сув етказилиши тўхтатилади.

Улар:

• Юнусобод тумани тўлиқлигича;
• Олмазор тумани тўлиқлигича;

Шайхонтоҳур туманининг:

• Ибн Сино мавзеси;
• Жарариқ мавзеси;
• Белтепа мавзеси;
• Ц-13, Ц-14, Ц-15 мавзелари;

Мирзо Улуғбек туманининг:

• Ц-1, Ц-2 мавзелари;
• Ҳамид Олимжон мавзеси.

Ноқулайликлар учун узр сўралган.