2025 йилги Нобел тинчлик мукофоти Венесуэла мухолифати раҳбари Мария Корина Мачадога топширилди. Аввалроқ АҚШ президенти Дональд Трамп бир неча бор ўзини Тинчлик мукофотига лойиқ деб ҳисоблашини айтган эди, чунки у Оқ уйда янги муддатини бошлагач, бир нечта урушларни тўхтатишга муваффақ бўлганини таъкидлаган.
“Улар менга ҳеч қачон Нобел тинчлик мукофотини беришмайди. Мен бунга лойиқман, лекин барибир беришмайди”, — деган эди Трамп 2025-йил февраль ойида. 30 сентябрь куни АҚШ генераллари олдида сўзлаган нутқида у бу мавзуни яна тилга олиб, “агар мукофотни бошқа биров олса, бу мамлакати-миз учун катта ҳақорат бўлади”, — деган эди.
Трампнинг сўнгги — ва эҳтимол энг муҳим — ютуғи сифатида у Исроил ва Фаластиннинг ҲАМАС ҳаракати ўртасида оташкесим ва Исроил гаровдагиларини қайтариш бўйича чоршанба куни имзоланган келишувни тилга олган.
Шунингдек, Трампнинг таъкидлашича, Исроил ва ҲАМАС Ғазодаги тинчлик жараёнининг биринчи босқичига рози бўлган.
Аммо мутахассислар эслатишича, Нобел қўмитасининг сўнгги йиғилиши душанба куни бўлиб ўтган — яъни бу битим эълон қилиниши-дан аввал.
Reuters агентлигининг ёзишича, Нобел қўмитаси котиби Кристиан Берг Харпвикен — қарор қабул қилувчи беш аъзодан бири — таъкидлаганидек, Тинчлик мукофоти охирги дақиқаларда эришилган ютуқлар учун берилмайди.
Дунёда энг кам ва энг кўп туғилиш қаерда?
«Жаҳаннам Нажоти» Туркияда қўлга олинди
Қирғизистонда юз берган 7 баллик зилзила кучи Ўзбекистон ҳудудида ҳам сезилди
