16 та «Оскар»га даъвогарлик қилаётган фильм

“Warner Bros” студияси томонидан ишланган «Жокер» фильми Америка киноакадемияси мукофотининг 16 та асосий номинациясига даъвогарлик қилмоқда.

«Жокер» «Энг яхши фильм», «Энг яхши режиссёр», «Энг яхши сценарий», «Энг яхши эркак роли» (Хоакин Феникс), «Иккинчи пландаги энг яхши эркак роли» (Роберт де Ниро), «Энг яхши визуал эффектлар», «Энг яхши монтаж», «Энг яхши саундтрек», «Энг яхши грим» ва бошқа номинацияларда кураш олиб бориши кутилмоқда.

«Оскар» учун даъвогар фильмларнинг расмий рўйхати 2020 йилнинг 13 январида эълон қилинади.

Тодд Филлипснинг «Жокер» фильми психологик триллер жанрида бўлиб, суперразил Жокернинг ҳаётидан ҳикоя қилади.

Фильм 2019 йилнинг 31 августида премьера қилинди. «Жокер» 17 ёшдан катталар учун мўлжалланган фильмлар орасида энг кассабоп кино сифатида тарихга кирди. Биргина ўтган ҳафтада фильм прокатидан дунё бўйлаб 900 миллион доллар пул келиб тушди.