Бугун 29 март, 2024 йил, жума

O'ZB

16 майдан Германия чемпионати қайта тикланади

16 майдан Германия чемпионати қайта тикланади

Германия май ойининг иккинчи ярмида футбол бўйича асосий чемпионат ҳисобланган Бундеслига ўйинларини якунига етказиб қўйишни режалаштирмоқда.

“Майнинг иккинчи ярмида гигиена қоидаларига риоя қилинган ҳолда ўйинларни ўтказиш мумкин”, — дея эълон қилди Германия канцлери Ангела Меркель чоршанба куни ФРГ федерал ерлари ҳукуматлари билан маслаҳатлашувлар якунида.

Меркель хоним бу ҳақда Германия коронавирус пандемиясининг биринчи босқичидан ўтиб бўлганини эълон қилганидан сўнг маълум қилди.

Қайд этиш керакки, Германия ҳозирда касаллик ҳолатлари сони бўйича дунёда олтинчи ўринда. Мамлакатда 168,1 минг киши COVID-19 инфекциясига чалинган бўлиб, уларнинг қарийб 140 минг нафари соғайган.

Аввалроқ Германия Меҳнат вазирлиги бир қатор шартлар билан футбол чемпионатини қайта тиклашни таклиф қилган эди. Жумладан, профессионал футбол жамоалари футболчилари ниқобларда ўйнашлари керак. Бунда гап оддий кундалик ниқоблар эмас, балки тиббий стандартларга асосланган махсус ниқоблар ҳақида кетмоқда. Улар бурун ва оғизни ҳимоя қилиши шарт. Ниқоблар ўйин вақтида тушиб кетмаслиги, ўйинчилар эса уларга тегинмаслиги керак.

Март ойида пандемия туфайли Германия чемпионати тўхтатилгунига қадар Мюнхеннинг “Бавария”, Дортмунднинг “Боруссия” ва “РБ Лейпциг” пешқадамлик қилаётган эди. Чемпионатнинг тўққиз тур учрашувлари қайд этилмаган.

Шунингдек, Англия ва Италия клублари ҳам мамлакат турнирларини якунламоқчи.

Францияда эса чемпионат муддатидан олдин якунланди, апрель ойининг охирида етакчи бўлган Парижнинг “Пари Сен-Жермен” жамоаси чемпион деб тан олинди, дея қайд этди ТАСС.

Киритилди: 05:45 08.05.2020. Ўқилди: 2372 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!