Ўқишини кўчирган ёки тиклаган абитуриентлар ҳам қишгача контрактнинг камида чорак қисмини тўлашлари лозим.
Давлат қабул комиссиясининг 7-сон баёни қабул қилинди. Унга кўра:
Андижон иқтисодиёт ва қурилиш институтига водийнинг уч вилоятида доимий рўйхатда турувчи, республика ОТМларига юқоридаги жадвалда келтирилган таълим йўналишларидан бирини биринчи йўналиш сифатида танлаб, тестдан йиқилган, лекин 56,7 ва ундан юқори балл тўплаган абитуриентлар контракт асосида қабул қилинади.
Институтга 375та квота ажратилган. ДТМ ушбу 375 талабани аниқлаш учун абитуриентлар тўплаган балларнинг кетма-кетлиги асосида рўйхат тузади.
Филиал магистратурасига кириш учун ҳужжатлар 14-24 ноябрь кунлари қабул қилинади. Кириш имтиҳонлари 26-30 ноябрга белгиланди.
Эслатиб ўтамиз, Қорақалпоғистон Республикасининг Мўйноқ, Тахтакўпир ва Қораўзак туманларидан бўлган абитуриентлар учун ҳам қўшимча қабул эълон қилинган.