Пиво ва коктейл ўлимга олиб келади

Мутахассислар томонидан хабар қилинишича, пиво ва коктейл каби енгил алкогол маҳсулотлари жигар циррозига олиб келади.

Маълум бўлишича, хавфли касаллик юзага келиши учун алкоголнинг қай даражада қувватли экани аҳамиятсиз. Барчаси унинг миқдори ва узоқ муддат истеъмол қилинишига боғлиқ. Хусусан, енгил алкоголга ўрганган одамлар қай даражада катта хавф билан тўқнаш келаётганларини кўпинча билмай қоладилар.

Мутахассисларнинг фикрича, айнан «пиво циррози» жуда оғир кечади. Алкогол маҳсулотлари ҳақида гап кетганда, фойдали жиҳатлари ҳақида гапириш ортиқча. Ҳар қандай спиртли ичимлик жигарга оғир юк бўлади ва патологик ҳолатни юзага келтириши мумкин.