Аксарият америкаликлар Байден президентлигидан норози

Америка фуқароларининг аксарияти 20 январь куни президентлик лавозимини республикачи Дональд Трампга топширадиган АҚШ президенти Жо Байденнинг фаолиятидан норози.

Fox News телеканали томонидан ўтказилган сўровноманинг эълон қилинган натижалари шундан далолат бермоқда.

Сўров натижаларига кўра, респондентларнинг 57 фоизи Байденнинг президент сифатидаги фаолиятини маъқулламаган. Респондентларнинг яна 42 фоизи унинг фаолияти натижаларини маъқуллашини айтди, сўров иштирокчиларининг 1 фоизи бу саволга жавоб бера олмади.

Телеканалнинг таъкидлашича, америкаликлар Байден фаолиятини маъқуллаш рейтинги АҚШнинг 44-президенти Барак Обама (57 фоиз) ва АҚШнинг 42-етакчиси Билль Клинтон (62 фоиз) ишига берилган баҳодан паст бўлган. Трамп биринчи муддати охирида Байденни ҳам ортда қолдирди, америкаликларнинг 47 фоизи унинг фаолиятига ижобий баҳо берди. Шу билан бирга, Байденнинг рейтинги, Fox News маълумотларига кўра, 43-президент Жорж Бушникидан (34%) юқори бўлган.

Сўров 10-13 январь кунлари ўтказилди ва унга бутун мамлакат бўйлаб 900 дан ортиқ америкаликларнинг жавоблари киритилган.