Буюк Британия бу йил дунёдаги иқтисодиёти энг кам фойда кўрган давлатлардан бирига айланади. Бу ҳақда Халқаро валюта жамғармаси экспертлари хулосасида сўз боради.
ХВЖ маълумотларига кўра, Буюк Британия иқтисодиёти 2023 йилда G20 мамлакатлари орасида энг ёмон молиявий натижани қайд этади.
Мамлакат иқтисодиётига юқори газ нархлари, фоиз ставкаларининг ошиши ва чакана савдонинг қисқариши таъсир кўрсатмоқда.
Бу йил Буюк Британия таназзулни бошдан кечиради, жаҳон савдоси ва халқаро молия тизимида ҳукмронлик қилувчи дунёнинг етти йирик илғор иқтисодиётидан бири бўлган мамлакат G7 гуруҳининг қуйи қисмига тушиб кетади.
