Zelenskiy yaqin vaqt ichida Tramp bilan uchrashishini ma’lum qildi

Ukraina prezidenti Vladimir Zelenskiy yaqin kunlarda AQShning saylangan prezidenti Donald Tramp bilan uchrashish rejalashtirilayotganini ma’lum qildi.

Zelenskiy ijtimoiy tarmoqlarda yozishicha, AQSh bilan muzokaralarda Ukraina delegasiyasi rahbari Rustem Umerov unga Amerikada o‘tkazilgan so‘nggi uchrashuvlar natijalari haqida axborot bergan.

Ma’lum qilinishicha, Rustem Umerov Floridada Trampning maxsus vakillari — Stiv Uitkoff va Jared Kushner bilan muzokaralar o‘tkazgan. Uchrashuvlarda AQSh tomonidan ishlab chiqilgan va ko‘plab muzokaralar davomida o‘zgartirilgan tinchlik rejasining tafsilotlari muhokama qilingan.

💬 «Biz bir kunni ham bekorga sarflayotganimiz yo‘q. Eng yuqori darajada — prezident Tramp bilan yaqin vaqtda uchrashishga kelishib oldik. Yangi yilga qadar ko‘p narsa hal bo‘lishi mumkin», 💬 — deb yozdi Zelenskiy.