Ukraina prezidenti Vladimir Zelenskiy vazirlar mahkamasidan Kiyev meri Vitaliy Klichkoni Kiyev shahar davlat ma’muriyati rahbari lavozimidan bo‘shatishni so‘radi. Bu haqda Ukraina bosh vaziri matbuot kotibi Vasiliy Ryabchuk ma’lum qilgan.
23 iyulda sobiq bokschi Ukraina davlat tergovlar byurosiga 26 iyulga so‘roqqa chaqirtirilgan. Ukraina OAVning xabar berishicha, Klichkoga nisbatan yer bilan bog‘liq firibgarliklar bo‘yicha jinoiy ish ochilgan.
Klichkoning o‘zi barcha gumonlarni rad etgan va jinoiy ish ochilgani haqidagi xabarlarni “bo‘rttirilgan safsata” deb atagan. Uning ta’kidlashicha, u poytaxt meri sifatida “huquq doirasidagina harakat qiladi”.
Klichko Kiyev meri lavozimiga 2014 yil 25 mayda saylangan.
Avvalroq Zelenskiy Klichkoni Kiyev shahar davlat ma’muriyati rahbari lavozimidan olib, uning o‘rniga o‘z tarafdorini tayinlamoqchiligi ma’lum qilingan. Ayni vaqtda Zelenskiy jamoasida ikki kishi ushbu lavozimni egallash uchun da’vogarlar sifatida ko‘rilmoqda, bular: “1+1 media” xoldingi bosh direktori Aleksandr Tkachenko va tadbirkor Andrey Xolodov.
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
Isroil qattiq jazavada
