Zelenskiy bir yilda urushga qancha xarajat ketganini aytdi

Ukraina prezidenti Vladimir Zelenskiyga ko‘ra, 2024 yilda harbiy mojaro Ukrainaga 100 milliard dollardan ko‘proqqa tushdi.

“2024 yilgi urush Ukrainaga mudofaa kuchlarini ta’minlash nuqtai nazaridan 100 milliard dollardan ko‘proq zarar keltirdi”, dedi Zelenskiy Britaniya bosh vaziri Kir Starmer bilan uchrashuvdan so‘ng.

Unga ko‘ra, bu mablag‘ning 40 foizini Ukraina qoplagan bo‘lsa, qolgan 60 foizi AQSh va Yevropa tomonidan taqdim etilgan.

Zelenskiy va Starmer avvalroq Ukrainaga har yili kamida 3,6 milliard dollar harbiy yordam o‘tkazishga kelishib olgan edi. Buyuk Britaniya bosh vazirining qo‘shimcha qilishicha, Buyuk Britaniya Ukrainaga 150 ta artilleriya barrelini yetkazib beradi, ular bir necha hafta ichida mamlakatga yetib boradi.