Zelenskiy Belarusga ogohlantirish berdi: chegarada keskinlik kuchaymoqda

Ukraina prezidenti Vladimir Zelenskiy Rossiya Belarusni urushga tortishga urinishdan to‘xtamayapti, deb hisoblashini bildirdi.

Uning aytishicha, Belarusning Ukraina bilan chegara hududlarida faol harakatlar kuzatilmoqda: yangi yo‘llar qurilmoqda, artilleriya pozisiyalari jihozlanmoqda va harbiy kuchlar qayta joylashtirilmoqda.

Ukraina tomoni Minskka ehtimoliy tahdid holatida qat’iy javob bo‘lishini bildirgan.

Zelenskiy Belarus rahbariyatiga Venesueladagi so‘nggi voqealarni ham eslatgani aytiladi.

Hozircha vaziyat bo‘yicha aniq tasdiqlangan ma’lumotlar cheklangan. Mutaxassislar fikricha, Belarus tomonidan to‘liq bosqin ehtimoli past, ammo chegarada provokasiyalar va keskinlikni saqlab turish ssenariysi istisno qilinmaydi.