Ijtimoiy tarmoqlarda “Erini qo‘shnilari noqonuniy olib qo‘yganiga norozilik bildirgan 43 yashar Yakkabog‘lik ayol o‘ziga o‘t qo‘yib halok bo‘lgani haqida” xabar tarqalgan.
Aniqlanishicha, joriy yilning 26 iyun kuni Yakkabog‘ tumani tibbiyot birlashmasining jonlantirish bo‘limiga Yakkabog‘ tumani, “Oqtosh” MFY, Bog‘zor ko‘chasida yashovchi fuqaro M.Abdiazizova kuyish tana jarohatlari bilan kelib tushgan.
Mazkur holat yuzasidan Yakkabog‘ tumani prokuraturasi tomonidan tergovga qadar tekshiruv o‘tkazilib, shu kuni JKning 103-moddasi 1-qismi bilan jinoyat ishi qo‘zg‘atilgan. Bu haqda Qashqadaryo viloyat prokuraturasi matbuot xizmati xabar qildi.
Fuqaro M.Abdiazizova qo‘shnisi P.Qodirov va E.Pardayevlar bilan yer masalasida o‘zaro janjallashib kelgani sababli, joriy yilining 26 iyun kuni fuqaro E.Pardayevning “Oqtosh” MFY raisiga qilgan murojaati asosida mahalla raisi Q.Kenjayev, “Ermulk-kadastr” DK Yakkabog‘ tumani filiali mutaxassisi B.Xushmurodov va tuman IIB profilaktika inspektori M.Egamberdiyevlar nizoli yer uchastkasiga kelishib, ulardan yerga oid hujjatlari so‘rashganida, M.Abdiazizova yashash uyi hovlisiga kirib, ustiga benzin sepib chiqib, qo‘lidagi gugurt bilan o‘ziga o‘zi o‘t qo‘ygan.
Yakkabog‘ tumani tibbiyot birlashmasining ma’lumotnomasida, fuqaro M.Abdiazizovaning olgan tan jarohati tananing alangadan 96 foiz, III-IV darajali kuyish ko‘rinishida ekanligi ko‘rsatilgan.
M.Abdiazizovaga shifokorlar tomonidan barcha tibbiy yordamlar ko‘rsatilgan bo‘lishiga qaramasdan u 27.06.2020 yilda vafot etgan.
Hozirda jinoyat ishi bo‘yicha dastlabki tergov harakatlari olib borilmoqda.
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Ayni damlarda jahon tarixidagi eng yirik dronlar hujumi amalga oshirilmoqda — CNN
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
