Xitoy rahbari besh yil ichida ilk bor Yevropaga tashrif buyurmoqda

Xitoy rahbari Si Szinpin so‘nggi besh yil ichida ilk bor Yevropaga tashrif buyurmoqda. U Fransiya, Serbiya va Vengriya rahbarlarining taklifiga binoan Parij, Belgrad va Budapeshtga boradi.

Prezidentning Yevropa bo‘ylab safari 5-10 may kunlari amalga oshiriladi.

Xitoy Tashqi ishlar vazirligi matbuot kotibi Lin Tszyan Si Szinpinning Yevropa poytaxtlariga tashrifi Xitoyning Fransiya, Serbiya, Vengriya va butun Yevropa bilan munosabatlarini rivojlantirishga hissa qo‘shishi, shuningdek, global tinch taraqqiyotga yangi sur’at bag‘ishlashini aytdi.