Xitoyning "Chjujun" apparati Mars sathi bo‘ylab bir kilometrdan ortiq masofani bosib o‘tdi, deb xabar qildi XXR Markaziy televideniyesi.
Kanal ma’lumotlariga ko‘ra, marsoxod Qizil sayyora landshaftining o‘ziga xosliklari, uning tuprog‘i va ob-havosi haqida ma’lumot to‘plagan.
Xitoyning Marsni tadqiq qilish uchun mo‘ljallangan "Tyanven-1" apparati o‘tgan yilning 23 iyulida Xaynan orolida joylashgan kosmodromdan uchirilgan edi. "Chjujun" marsoxodi 15 may kuni Marsning janubiy qismidagi Utopiya nomli yalangligida qo‘ndi.
Missiyaning bosh maqsadi – sayyorada hayot alomatlarini topish, shuningdek, kelajakda yerliklar Marsda yashay olishlari mumkin-mumkinmasligiga aniqlik kiritish.
Eslatib o‘tamiz, hozirda Marsda NASAning Curiosity (2012-yilning avgustida qo‘ngan) va Perseverance (2021-yilning fevrali) marsoxodlari mavjud. Apparatlar chuqur geologik va geokimyoviy tadqiqotlarni o‘tkaziB atmosferani o‘rganishmoqda, suv va organikani izlash bilan shug‘ullanib, sayyora sathini suratga tushirish bilan shug‘ullanmoqda.
