Xitoy hukumati App Store'dan Qur’on elektron dasturini o‘chirtirib tashladi

Xitoy hukumati App Store'dagi mashhur Qur’on mutolaasi dasturini o‘chirtirib tashladi.

Butun dunyo bo‘yicha ochiq bo‘lgan Quran Majeed App Store'da 150 mingdan oshiq izoh va sharhlarga ega. Lenta.ru nashrining keltirishicha, Apple kompaniyasi XXR rasmiylarining "noqonuniy diniy matnlar kiritilishi" bo‘yicha so‘roviga asosan dasturga ruxsatni berkitib qo‘ygan.

Rasmiy Pekin vaziyatga izoh berishdan bosh tortdi. Apple'dagilar esa hukumat pozisiyasini ma’qullamasligiga qaramay, mahalliy qonunlarga rioya qilishga majbur ekanliklarini aytib o‘tdilar.