"VKontakte" Apple’ga qarshi Moskva arbitraj sudiga da’vo kiritdi

Da’voda keltirilishicha, kompaniya ilovalarini App Store’ga qaytarishni talab qilmoqda. Agar Apple sud qarorini bajarmasa, VK har bir kechiktirilgan kun uchun 58 mln rubl undirishni so‘ramoqda. Ma’lumot uchun, AQSh kompaniyasi dastlab Rossiya banklarining ilovalarini App Store’dan olib tashlagan edi, so‘ng qator ijtimoiy tarmoqlar, messenjerlar va video platformalarni ham o‘chirdi. RF Raqamli rivojlanish vazirligiga ko‘ra, bu harakatlar Rossiya fuqarolari uchun kundalik hayotda qiyinchiliklar yaratish maqsadida amalga oshirilgan.