O‘zbekiston va Afg‘oniston Hayraton - Mozori Sharif temir yo‘lini ta’mirlash bo‘yicha shartnomani uzaytirdi

Afg‘oniston temir yo‘llari boshqarmasi «O‘zbekiston temir yo‘llari» aksiyadorlik jamiyati bilan 75 kilometrlik Hayraton – Mozori Sharif temir yo‘l liniyasini rekonstruksiya qilish bo‘yicha shartnomani olti oyga uzaytirdi, deb xabar bermoqda TOLOnews.

Shuningdek, Afg‘oniston Temir yo‘llari vazirligi 2024 yilda Qandahor – Spin Buldak va Andxoy – Shebergan temir yo‘l loyihalarini amalga oshirishni yakunlash va Mozori Sharif – Xarlachi temir yo‘li loyihasining texnik-iqtisodiy asoslarini tayyorlashni rejalashtirganini ma’lum qildi.

LogiStan avvalroq O‘zbekiston Afg‘onistondagi temir yo‘lni 50 foizlik chegirma bilan ta’mirlashini yozgan edi.