Saudiya Arabistonida o‘tayotgan Osiyo kubogi 2-tur o‘yinida O‘zbekiston yoshlar terma jamoasi Eron termasi bilan durang qayd etdi.
Har ikkala jamoa ham maydonda bir-birini ayab harakat qildi, deyish mumkin. Ammo g‘alaba ko‘proq eronliklarga zarurroq edi.
Shu sababdan ikkinchi bo‘limda ular hujumlarni zo‘r berdi. Biroq yakunda hisob ochilmadi.
Guruhning ikkinchi o‘yinida Janubiy Koreya termasi Livan ustidan 4:2 hisobida g‘alaba qozonib, guruhda birinchi o‘ringa chiqib oldi.
3-tur o‘yinlari 13 yanvar kuni bo‘lib o‘tadi. Unda O‘zbekiston va Janubiy Koreya jamoalari maydonga tushadi.
Osiyo kubogi, S guruhi, 2-tur
Eron - O‘zbekiston 0:0
