O‘zbekiston Respublikasi Prezidenti Shavkat Mirziyoyev Vashington shahrida Amerika Qo‘shma Shtatlari savdo vaziri Xovard Latnik bilan muzokara o‘tkazdi.
O‘zbekiston bilan AQSh o‘rtasidagi strategik sheriklik munosabatlarini yanada mustahkamlash, savdo va investisiyaviy hamkorlikni faollashtirish, iqtisodiyotning turli tarmoqlarida qo‘shma loyihalarni amalga oshirish masalalari ko‘rib chiqildi.
Ko‘p qirrali O‘zbekiston – AQSh munosabatlari izchil rivojlanib borayotgani mamnuniyat bilan qayd etildi. Keyingi yillarda tovar ayirboshlash hajmi 4 baravar ko‘payib, qariyb 1 milliard dollarga yetdi. O‘zbekistonda AQShning 300 dan ortiq kompaniyasi muvaffaqiyatli faoliyat yuritmoqda, sanoat, qishloq xo‘jaligi, energetika va innovasiya sohalarida qator yirik kooperasiya loyihalari amalga oshirilmoqda.
Savdo aloqalarini mustahkamlash, hududlararo hamkorlikning samarali mexanizmlarini yaratish, shuningdek, Muvofiqlashtiruvchi kengash ta’sis etishdan ikki tomon ham manfaatdor ekani ta’kidlandi.
Qishloq xo‘jaligi sohasidagi hamkorlik masalalariga alohida e’tibor qaratildi. AQShdan soya va paxta yetkazib berish, shuningdek, Amerikaning ilg‘or tomchilatib sug‘orish texnologiyalarini joriy etish bo‘yicha dastlabki shartnomalar tuzilgan.
Muzokaralar yakunida qo‘shma loyihalarni qo‘llab-quvvatlash uchun investisiya platformasini yaratish orqali amaliy hamkorlikni faollashtirishga kelishib olindi.
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
Kim Chen Inning salomatligiga doir ayrim ma’lumotlar oshkor qilindi
Yadroviy “Burevestnik” raketasining sinovlari AQShni Rossiya shartlarini qabul qilish va Moskva bilan muzokaralar stoliga o‘tirishga majbur qilishga qaratilgan
