O‘zbekiston Tashqi ishlar vazirligi Hindistonda bo‘lib turan yoki borishni rejalashtirgan fuqarolarni u yerdagi tabiiy ofat yuz bergan hududlarga bormaslikka chaqirdi.
O‘zbekistonning Hindistondagi Elchixonasi bergan ma’lumotga ko‘ra, Hindistonning Bixar shtati va boshqa hududlarida qattiq yomg‘irlar yog‘ishi natijasida suv toshqinlari va o‘pirilishlar sodir bo‘lmoqda. Elchixona mutasaddilari O‘zbekiston fuqarolaridan ushbu hududlarga yaqin bormaslikni so‘radi.
Vazirlik ma’lumotiga ko‘ra, Hindistonda yuz berayotgan toshqinlar va o‘pirilishlar oqibatida minglab odamlar xavfli hudularni tark etishga majbur bo‘lgan. Mamlakat bo‘yicha jami 110 dan ortiq odam mazkur tabiiy ofat qurboni bo‘lgan.
Shu munosabat bilan TIV Konsullik-huquqiy departamenti Hindistonda bo‘lib turgan O‘zbekiston fuqarolarini tabiiy ofat hududlariga vaqtinchalik bormaslikka chaqirgan.
Shohjahon Jo‘rayev ikki yil oldin otasi Sherali Jo‘rayevni sudga bergan
Buyuk Britaniya TIV fuqarolariga O‘zbekistonning ayrim hududlariga bormaslikni tavsiya qildi
DXX o‘rinbosarlarning kirdikorlarini fosh etdi
