NATOning navbatdagi sammiti 9 iyul kuni bo‘lib o‘tadi. Muhokamaning asosiy mavzusi, shubhasiz, Ukrainadagi urush bo‘ladi, biroq munozaralarning aksariyati, aftidan, Xitoyga tegishli, deb yozadi The Wall Street Journal.
G‘arb davlatlari va Xitoy o‘rtasidagi munosabatlar Ukraina tufayli keskin yomonlashdi. Xitoyning Rossiya Federasiyasiga ko‘rsatayotgan yordami NATO davlatlarini Pekinni strategik tahdidlar ro‘yxatiga kiritishga undadi. Shu bilan birga, Xitoy G‘arb davlatlariga qarshi kiber-josuslik va dezinformasion kampaniyalar olib boradi, ba’zan esa Tayvan bilan munosabatlarni saqlab turgan Yevropa davlatlarini jazolash uchun turli choralar ko‘radi.
G‘arb yetakchilari Xitoyni Rossiya urush mashinasini, ayniqsa mikroelektronika yetkazib berish orqali qo‘llab-quvvatlayotganlikda tobora ko‘proq ayblamoqda.
Avvalroq NATO Yevropa va Osiyoni alohida mintaqalar deb hisoblagan bo‘lsa, Xitoyning Ukrainadagi urush bo‘yicha pozisiyasi mintaqalar bir-biri bilan chambarchas bog‘langanligini yaqqol ko‘rsatdi.