Ukraina o‘t ochishni to‘xtatish bo‘yicha beshta turli formatni ko‘rib chiqishga tayyor. Bu haqda Ukraina Tashqi ishlar vazirligi matbuot kotibi Georgiy Tixiy brifingda ma’lum qildi.
Uning ta’kidlashicha, gap birinchi navbatda Ukraina 2025 yil martidayoq rozi bo‘lgan to‘liq va so‘zsiz o‘t ochishni to‘xtatish rejimi haqida bormoqda.
«Ukrainaning ushbu roziligi o‘z kuchida qolmoqda va agar Rossiya tomonidan ham shunday javob tariqasidagi rozilik bo‘lganida, u kuchga kirardi», – deb ta’kidladi Tixiy.
Uning so‘zlariga ko‘ra, shuningdek, Ukraina diplomatlari ishtirokida Turkiya va Misr tomonidan ishlab chiqilayotgan hamda Qora dengizga taalluqli bo‘lgan 2- va 3-formatlar ham mavjud.
«Tangoni birgalikda raqsga tushishadi, shu bois ushbu shartlarga Rossiya tomonining ham roziligi zarur. Takliflar, bizningcha, o‘zaro manfaatli va haqiqatga yaqindir», – dedi Tixiy.
Uning so‘zlariga ko‘ra, ikkinchi format — Qora dengiz bo‘yicha, ya’ni bunda gap kema qatnovi xavfsizligi haqida bormoqda. Uchinchi format — Qora dengizdagi oziq-ovqat xavfsizligi. Uning ta’kidlashicha, ushbu taklifga Hindiston ham faol jalb etilgan.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
Ikki futbolchi zo‘rlash ishida qo‘lga olindi
