Ukraina ilk bor o‘zining FP-7 ballistik raketasini jangda qo‘lladi

Ukrainada mustaqil ravishda ishlab chiqilgan ilk FP-7 ballistik raketasi Rossiya nazoratidagi Ukraina hududida joylashgan nishonga zarba berish uchun qo‘llanildi. Ukraina prezidenti Vladimir Zelenskiy bir kun avval ushbu raketaning ilk bor jangovar sharoitda ishlatilganini ma’lum qilgan edi. Bu haqda The Wall Street Journal o‘z manbasiga tayanib xabar berdi.

Manba zarba haqida boshqa tafsilotlarni keltirmagan. Ukraina prezidenti ham hujumning tafsilotlari va oqibatlarini ochiqlamagan, faqat raketaning uchirilishi va parvozini aks ettiruvchi videoni e’lon qilgan.

Ishlab chiqaruvchi Fire Point kompaniyasi ma’lumotiga ko‘ra, yangi raketa 200 kilogrammgacha og‘irlikdagi jangovar kallakni olib yurishi va 250 kilometrgacha masofadagi nishonlarni yo‘q qilishi mumkin.

FP-7 "Freyja" loyihasi uchun ballistik raketalarni tutib qoluvchi vosita sifatida ishlab chiqilgan. U kelajakda Amerikaning ATACMS raketalariga nisbatan "iqtisodiy jihatdan samarali" muqobilga aylanishi ko‘zda tutilmoqda.