Turkmanistonda MDH davlatlari rahbarlari sammiti boshlandi

Turkmanistonda Mustaqil Davlatlar Hamdo‘stligi (MDH)ga a’zo davlatlar rahbarlarining uchrashuvi boshlandi.

Sammitda Rossiya prezidenti Vladimir Putin, Turkmaniston rahbari Serdar Berdimuhamedov, Ozarbayjon prezidenti Ilhom Aliyev, Belarus prezidenti Aleksandr Lukashenko, Qirg‘iziston prezidenti Sadir Japarov, Qozog‘iston prezidenti Qosim-Jomart Toqayev, Tojikiston prezidenti Emomali Rahmon, O‘zbekiston prezidenti Shavkat Mirziyoyev va Armaniston bosh vaziri Nikol Pashinyan ishtirok etmoqda.

Shuningdek, MDH tarixida birinchi marta Eron prezidenti Mas’ud Pezeshkiyon ham sammitda qatnashmoqda.