Turkiyada muxlislar hakamning boshiga velosiped bilan zarba berishdi!

Turkiya futbolida hakamlarga nisbatan zo‘ravonlikning navbatdagi va eng aql bovar qilmas ko‘rinishi qayd etildi.

Malatya havaskorlar ligasida bo‘lib o‘tgan uchrashuvda muxlislar qanot hakamiga bolalar velosipedini uloqtirishdi.

Malatya 1-havaskorlar ligasining 10-turi doirasidagi "Darendespor" — "Hekimhan Belediyesi Girmanaspor" uchrashuvi fojia bilan yakunlanishiga bir baxya qoldi.

Voqea xronologiyasi:

Vaziyat: Uchrashuvning 87-daqiqasida, hisob 1:1 bo‘lib turgan paytda «Darendespor» gol urishga muvaffaq bo‘ldi.

Qaror: Uchrashuvning 1-qanot hakami Hakan Bashkurt vaziyatda o‘yindan tashqari holat borligini qayd etib, golni bekor qildi.

Agressiya: Bu qarordan g‘azablangan mezbon jamoa muxlislari maydonga turli buyumlarni uloqtirishdi. Eng dahshatlisi shundaki, tribunadan hakamga qarata bolalar velosipedi otildi.

Jarohat: Velosiped hakam Hakan Bashkurtga kelib tegdi. Zarba oqibatida hakamning chap qoshi qattiq jarohatlandi, u zarba kuchidan maydonga yiqilib, hushini yo‘qotdi.

Oqibat:

Hakamga zudlik bilan tibbiy yordam ko‘rsatildi. Ushbu holat Turkiya futboli jamoatchiligini yana bir bor larzaga soldi.