Turkiyaning Mersin viloyatida Rossiyaning «Rosatom» kompaniyasi ishtirokida qurilayotgan «Akkuyu» AESining birinchi energoblokida sinovlar boshlandi. Turkiya Energetika vazirligiga ko‘ra, u 2026 yil oxirigacha elektr energiyasi ishlab chiqara boshlashi kerak.
AES 4 ta VVER-1200 reaktoridan iborat bo‘lib, har bir blokning quvvati 1200 MVt. Barcha bloklar ishga tushsa, stansiya yiliga qariyb 35 mlrd kVt/soat elektr energiyasi ishlab chiqaradi. Bu Turkiya umumiy iste’molining taxminan 10 foiziga teng.
Qurilish maydonida 23 mingga yaqin kishi ishlamoqda. Elektr energiyasi milliy tarmoqqa uzunligi 1100 kilometrdan ortiq bo‘lgan 7 ta yuqori kuchlanishli liniya orqali uzatiladi.
«Akkuyu» Rossiya atom energetikasi uchun ham alohida ahamiyatga ega. Loyiha «qurish — egalik qilish — ekspluatasiya qilish» tamoyili asosida amalga oshirilmoqda. Ya’ni Rossiya stansiya qurilishida ishtirok etish bilan birga, uni uzoq muddat ekspluatasiya qilishda ham ishtirok etadi.
Turkiya «Akkuyu»ni atom energetikasidagi yakuniy loyiha sifatida ko‘rmayapti va kelgusida yangi AESlarni ham barpo etishni rejalashtirmoqda.
«Vafot etgan» Bibimaryam tirik ekani tasdiqlandi — Face ID ishga tushdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Sun’iy intellekt qachon "qaytib bo‘lmaydigan nuqtaga" yetishi mumkinligi ma’lum bo‘ldi
