Turinda Ronalduning futbolkasi qay darajada sotilyapti?

«Yuventus» klubi Krishtianu Ronaldu transferidan foyda olishni boshlab yubordi.

TuttoJuve xabariga ko‘ra, portugaliyalikning futbolkasiga bo‘lgan talab shu qadar yuqoriki, klub do‘koni muxlislarning juda katta navbatiga tanaffussiz xizmat ko‘rsatishga majbur bo‘lmoqda. Natijada, har daqiqada Ronalduning bitta futbolkasi sotilyapti.

Xaridorlarning ko‘pligi sababli, klub internet do‘koni sayti ham bir muddat ishlamay qolgan. Mutaxassislar juda katta qiyinchilik bilan uning ishini tiklashga muvaffaq bo‘lgan.