Er xotini bilan dengiz sayohatida. Xotin kema bortiga bor bo‘yi bilan suyanib turgandi, dengizchi kelib baqirdi:
— Ehtiyot bo‘ling, suvga qulab tushasiz!
Shunda er dengizchini urishib berdi:
— Vey, nega birovlarning ishiga burningni tiqasan? Xotin senikimi, menikimi?
***
Do‘konda bir erkak notanish ayoldan so‘radi:
— Kechirasiz, agar yoningizda yuz ming so‘m pulingiz bo‘lsa, do‘konning qay bo‘limiga yo‘l olardingiz?
— Ayollar pardoz bo‘yoqlari bo‘limiga.
— O‘, rahmat, sizga! Men xotinimni yo‘qotib qo‘ygandim!
***
— Azizim, men o‘zimga kofta sotib olmoqchiman. Ayting, chiroyli kofta qanday bo‘lishi kerak?
— Baland bo‘yli, kelishgan bo‘lishi kerak.
