AQShda Donald Trampga qarashli bo‘lgan Ferrari F430 Coupe ikki o‘rinli avtomobili 16 fevraldan 9 martga qadar davom etadigan kimoshdi savdosiga qo‘yildi.
Rockstar avtomobillar auksioni ma’lumotiga ko‘ra, siyosatchi mashinani 2007 yilda chiqqan yilidayoq sotib olgan. Mashina chindan ham Trampga tegishli ekaniga dalil sifatida Rockstar hujjatlar va DJT (Donald John Trump) harflari qayd etilgan davlat raqamini ham joylashtirdi. Mashina qancha vaqt siyosatchi ixtiyorida bo‘lgani noma’lum.
Foto: Rockstar
Auksionchilar mashinani 1 mln dollarga baholashmoqda. Lot tavsifida mashina a’lo holatda ekani aytiladi. Ferrari YTHga uchramagan, bo‘yog‘i maxsus plyonka bilan himoyalangan. Avtomobil qizil rangda, saloni mallarang, mexanik uzatmalar qutisi o‘rnatilgan. Sport mashinasi 100 km/soat tezlik olish uchun 3,9 soniya sarflaydi, maksimal tezligi — 315 km/soat.
Foto: Rockstar
11 martdan dollar qanchaga yetishi aniq bo‘ldi
Arab davlatlari birlashdi: Yevropa endi tanlov qarshisida!
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
