Tramp Saudiya Arabistoni bilan yadroviy bitimni ma’qulladi

Bu haqda The Wall Street Journal xabar bermoqda.

​Hujjat AQSh kompaniyalariga qirollikda uranni boyitish qurilmalarini barpo etish majburiyatini yuklashi mumkin.

Associated Press agentligining ikki manbaga tayanib xabar berishicha, ushbu kelishuv Ar-Riyodga uranni boyitish imkoniyatlarini taqdim etishi mumkin.

​Agentlik ma’lumotlariga ko‘ra, bitim 30 yilga mo‘ljallangan bo‘lib, unda Amerika kompaniyalarining yadro dasturini ishlab chiqishdagi ishtiroki ko‘zda tutilgan.

Biroq hujjatga Vashington tomonidan ilgari yadro materiallarini qurol yaratish dasturiga yo‘naltirib bo‘lmasligini ta’minlash uchun zarur deb e’lon qilingan kafolatlar kiritilmagan.

​Energetika vaziri bitimni chorshanba kuni imzolashi kutilmoqda, shundan so‘ng u Kongress tomonidan ko‘rib chiqiladi.