Tramp Polshaga 5000 AQSh askari yuborilishini e’lon qildi

AQSh prezidenti Donald Tramp Qo‘shma Shtatlar Polshaga qo‘shimcha 5000 askar yuborishini e’lon qildi.

Oq uy rahbari bu haqda Truth Social tarmoq sahifasida ma’lum qildi.

"Men qo‘llab-quvvatlaganimdan faxrlanadigan amaldagi Polsha prezidenti Karol Navroskiyning muvaffaqiyatli saylanishi munosabati bilan va u bilan munosabatlarimizni hisobga olgan holda, Qo‘shma Shtatlar Polshaga qo‘shimcha 5000 askar yuborishini e’lon qilishdan mamnunman", deb yozgan Amerika yetakchisi.

Avvalroq Pentagon matbuot kotibi Shon Parnell X ijtimoiy tarmoq platformasida Qo‘shma Shtatlar Polshaga Amerika qo‘shinlarini joylashtirishni keyinga qoldirganini e’lon qilgan edi.