Tramp NATOni Eron bo‘yicha «ahmoqona xatoda» aybladi

AQSh prezidenti Donald Tramp NATOni Eronga qarshi harbiy harakatlarda ishtirok etmayotgani uchun tanqid qildi.

U bu fikrni Irlandiya bosh vaziri Maykl Martin bilan Oq uyda bo‘lib o‘tgan uchrashuvda bildirgan.

«Menimcha, NATO juda ahmoqona xatoga yo‘l qo‘ymoqda. Bu ajoyib sinov bo‘ldi. Bizga ular kerak emas, lekin ular ishtirok etishi kerak edi», — dedi Tramp.

Uning ta’kidlashicha, NATO ittifoqchilarining aksariyati AQSh va Isroil operasiyasini qo‘llab-quvvatlayotgan bo‘lsa-da, Voshingtonga Eronga qarshi urushda to‘g‘ridan-to‘g‘ri yordam berishdan bosh tortmoqda.