Tramp: "AQShning bugungi hujumlari Eron radarlarini nishonga olmoqda"

Seshanba kuni AQSh Eronga qarshi hujumlar asosan radarlarni nishonga oldi.

AQSh prezidenti Donald Tramp bu haqda Fox News telekanaliga bergan intervyusida ma’lum qildi.

"Ular radarlarni ta’mirlashga harakat qilishdi, chunki ularsiz ular butunlay ko‘r bo‘lib qolishdi. Biz ta’mirlash ishlari deyarli tugagach, kutdik va zarba berdik", dedi u.

Tramp yana Eron mintaqadagi AQSh nishonlariga qarshi javob zarbalarini davom ettirsa, uni yanada kuchliroq zarbalar bilan tahdid qildi.

Amerika rahbari Tehron bilan kelishuvga intilmasligini qo‘shimcha qildi. "Menimcha, ular bilan kelishuv yozilgan qog‘ozga arzimaydi. Biz ularga ko‘p imkoniyatlar berdik", deb xulosa qildi Tramp.

Axios avvalroq Tramp va uning yuqori lavozimli yordamchilari Tehronning bo‘g‘ozdagi kemalarga hujum qilish uchun radar va raketa imkoniyatlarini qayta tiklashiga yo‘l qo‘ymaslik uchun Hormuz yaqinidagi Eron inshootlariga cheklangan hujumlarni ko‘rib chiqayotgani haqida xabar bergan edi.