Toshkentda qishki ta’til yana uzaytirildi

Toshkent shahrida ham ta’lim muassasalarida o‘qish 23 yanvardan boshlanadi. Bu haqda shahar hokimligi matbuot xizmati xabar berdi.

“Toshkent shahridagi ta’lim muassasalari — maktablar, lisey va kollejlar hamda oliy ta’lim dargohlarida o‘qish shu yilning 23 yanvaridan boshlanadi”, deyiladi xabarda.

Toshkent shahar hokimligi hamda boshqa mas’ul tashkilotlar tomonidan ta’lim ob’ektlaridagi harorat belgilangan me’yorda bo‘lishi nazoratga olinishi ma’lum qilindi.