Telegram messedjerida Shayxontohur tumanida yo‘l-transport hodisasi joyida yozilgan video tarqamoqda. Ushbu fakt bo‘yicha shuni ma’lum qilamizki, 2019 yil 18-noyabr kuni soat 20:45 da J.M. “Nexia-3” rusumli avtomobilida Nurafshon ko‘chasi bo‘ylab harakatlangan. Boshqaruvni bajara olmasdan harakat yo‘nalishlarini ajratib turuvchi to‘siqqa va yorituvchi temir ustunga urilgan. To‘qnashuv oqibatida transport vositasi 24 yoshli K.SH. boshqarib borgan “Matiz” rusumli avtomobilga urilgan.
Yo‘l-transport hodisasi natijasida “Matiz” rusumli avtomobil yo‘lovchisi 21 yoshli N.SH.ga tan jarohatlari oldi va shifoxonaga yetkazildi. Shuningdek yo‘ldagi ustun va uchta to‘siqqa zarar yetgan.