Bunyodkor ko‘chasining ichki dublyori vaqtincha yopiladi. Bu haqda Toshkent shahri hokimligi xabar berdi.

24/7 Bunyodkor yangi sayr-gastro ko‘chasida yirik tadbir o‘tkazilishi munosabati bilan ko‘chaning ichki dublyori 12 sentyabr soat 07:00 dan 15 sentyabr soat 07:00 gacha transport harakati uchun yopiq bo‘ladi.

Bunyodkor ko‘chasining o‘zi hamda ko‘chaning tashqi dublyori yopilmaydi.

“Yo‘nalishlaringizni rejalashtirish chog‘ida ushbu holatni inobatga olishingizni va muqobil harakat yo‘nalishlaridan foydalanishingizni so‘raymiz”, – deyiladi xabarda.