“Tolibon” Eronga yordam berishga tayyor

Agar AQSh Eronga hujum qilsa, biz Eronga yordam berishga tayyormiz – “Tolibon”.

Afg‘onistondagi “Tolibon” muvaqqat hukumati rasmiy vakili Zabixulloh Mujohid agar AQSh Eronga qarshi hujum boshlasa, Afg‘oniston aholisi Eron xalqiga yordam berishga tayyorligini ma’lum qildi. Mujohid bu haqda Eron radiosining pushtun xizmatiga bergan intervyusida aytdi.

Shuningdek, Mujohid Eronning Isroil bilan yaqinda bo‘lgan nizodagi g‘alabasini olqishlab, Tehron “12 kunlik urush”da g‘alaba qozonganini va yana ustunlikka erishishi mumkinligini aytdi.

Bundan tashqari, u Eron o‘zini himoya qilish huquqiga ega ekanini ham alohida qayd etdi.