Tailand qirolichasi Sutxida Shvesiyada ishlab chiqarilgan JAS 39C Gripen ko‘p maqsadli qiruvchi samolyotida ilk mustaqil parvozini amalga oshirdi. Bu haqda «Bangkok Post» gazetasi xabar berdi.
Parvoz Tailandning Surattxani viloyatidagi Harbiy-havo kuchlari bazasida amalga oshirilgan. Parvoz oldidan bo‘lajak uchish rejasi muhokama qilingan brifingda qirol Maxa Vachiralongkorn (Rama X) ham ishtirok etgan. Muvaffaqiyatli qo‘nishdan so‘ng qirol qirolichani kutib olib, unga guldasta topshirgan.
Nashr ma’lumotlariga ko‘ra, qirolicha Sutxida katta uchuvchilik tajribasiga ega. U 2010 yil 13 may kuni Cessna T-41D samolyotida tayyorgarlikdan o‘tganidan so‘ng ilk uchuvchilik lisenziyasini olgan. Uning turli havo kemalaridagi umumiy parvoz vaqti 1 188 soatga yetgan. Bu vaqt ichiga Boeing 737-400 va Boeing 737-800 yo‘lovchi samolyotlaridagi 480 soatdan ortiq parvozlar ham kiradi.
Qirolicha bir o‘rinli qiruvchi samolyotda mustaqil uchishga Saab JAS 39D Gripen ikki o‘rinli o‘quv-jangovar samolyotida tayyorgarlik ko‘rgan va unda 10 soatdan ortiq parvoz qilgan.
Shuningdek, Sutxida qirollik vazifalari doirasida qirolga ichki va xalqaro reyslarda hamrohlik qilib, ikkinchi pilot sifatida ham faoliyat yuritib keladi.
Ikki futbolchi zo‘rlash ishida qo‘lga olindi
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
