Sudanni boshqarayotgan Muvaqqat harbiy kengash davlat to‘ntarishiga urinish bo‘lganini ma’lum qildi, deya xabar bermoqda “Anadolu”.
To‘ntarishga uringan qo‘mondon va 16 nafar zobit hibsga olingan. Ushbu rejaga maxsus xizmatlarning amaldagi va iste’fodagi xodimlari qo‘shilgan.
Muvaqqat harbiy kengashning ta’kidlashicha, davlat to‘ntarishidan maqsad hukumat va muxolifat o‘rtasida erishilgan tinchlik bitimiga zarar yetkazish bo‘lgan.
Eslatib o‘tamiz, joriy yilning 11 aprelida Sudanda davlat to‘ntarishi yuz bergan va prezident Umar Bashir hokimiyatdan chetlatilgan edi.
Manba: azon.uz