Samarqand viloyatida bosh arxitektor Bobur Elmurodov qo‘lga olindi. Bu haqda OAV xabar bermoqda.
Viloyat bosh me’mori 7 milliard so‘mni o‘zlashtirishda ayblanmoqda. OAV xabarlariga ko‘ra, amaldor fuqarolarga uylarni buzganlik uchun kompensasiya sifatida asossiz ravishda 7 milliard so‘m bergan. Ta’kidlash joizki, mansabdor shaxs o‘g‘irlikni bosh arxitektor etib tayinlanmasdan oldin sodir etgan. Bungacha u Samarqand shahar hokimining o‘rinbosari bo‘lib ishlagan.
Elmurodov shu yilning mart oyida bosh me’mor etib tayinlangan edi. Hozirda unga nisbatan 167-modda, 205-modda va 228-modda bo‘yicha jinoiy ish qo‘zg‘atildi.